Professor vəfat etdi

Riyaziyyat üzrə fəlsəfə doktoru Məhəmməd Namazov vəfat edib. 
Məhəmməd Namazov 21 dekabr 1951-ci ildə Naxçıvan şəhərində anadan olub. 1958-1969-cu illərdə 7 saylı orta məktəbdə, 1970-1974-cü illərdə isə Naxçıvan Dövlət Universitetinin Riyaziyyat ixtisasında təhsil alıb.
Əmək fəaliyyətinə 1975-ci ildə başlayıb. 1975-1980-ci illərdə Babək rayonunun Çeşməbasar kənd tam orta məktəbində müəllim kimi çalışıb. 1980-1988-ci illərdə Naxçıvan Dövlət Universitetinin Ümumi riyaziyyat kafedrasında laborant vəzifəsində fəaliyyət göstərib. 1992-ci ildə namizədlik dissertasiyasını müdafiə edərək riyaziyyat üzrə fəlsəfə doktoru elmi dərəcəsini alıb.

Elmi-pedaqoji fəaliyyəti dövründə riyaziyyat sahəsində ixtisaslı kadrların hazırlanması, elmi biliklərin gənc nəslə aşılanması istiqamətində mühüm xidmətlər göstərib. 25 elmi məqalənin və 4 dərsliyin müəllifidir.

Allah rəhmət eləsin.