“Vətən Bağı” – Sosial İnkişaf və Milli Dəyərlərin Birliyi

Hər bir xalqın gücü yalnız iqtisadi imkanlarda deyil, həm də milli-mənəvi dəyərlərə bağlılıqda, həm də ictimai həmrəylikdə ölçülür. Azərbaycan xalqı tarix boyu bu dəyərləri qoruyaraq möhkəm bir irs formalaşdırıb. Zəfərlə nəticələnən mübarizəmiz isə həm şəhidlərin müqəddəs xatirəsini, həm də cəmiyyət olaraq üzərimizə düşən məsuliyyəti daim xatırladır.
Məhz bu səbəbdən yaranan “Vətən Bağı” Sosial Təşəbbüslər ictimai birliyi yalnız bir təşkilat deyil, milli ruhun, sosial həmrəyliyin və vətən sevgisinin təcəssümüdür. Əsas missiyamız isə əhalinin sosial inkişafı sahəsində təşəbbüslərə dəstək verməkdir.

Yaddaşı qorumaq, gələcəyi qurmaq

“Vətən Bağı”nın yaranma zərurəti yaddaşı yaşatmaqla bağlıdır. Şəhidlərin igidlik yolu, qazilərin şücaəti və birlik ruhu yalnız tarix kitablarında deyil, gənclərin düşüncəsində və gündəlik həyatımızda yaşamalıdır. Sosial inkişaf olmadan gələcəyin qurulması isə mümkün deyil. “Vətən Bağı” cəmiyyətin sosial təşəbbüslərinə dəstək verərək həmrəylik mədəniyyətini gücləndirir.

Zamanın çağırışı

Bugünkü reallıqlar göstərir ki, sosial təşəbbüslərin dəstəklənməsi və ictimai həmrəyliyin gücləndirilməsi mütləqdir. “Vətən Bağı” həm keçmişin yaddaşını, həm bugünün birliyini, həm də sabahın ümidini özündə birləşdirir.

“Vətən Bağı” – keçmişimizi yaşadan, bu günümüzü birləşdirən və gələcəyimizi işıqlandıran bir ocaqdır.

Emin Tarverdiyev, “Vətən Bağı” Sosial Təşəbbüslər ictimai birliyinin sədri
 

12 Sentyabr 2025, 22:24 - 45