Prezidentdən Naxçıvanla bağlı yeni fərman

Prezident İlham Əliyev Azərbaycan Yerüstü Nəqliyyat Agentliyinə (AYNA) Naxçıvanla bağlı yeni vəzifələr həvalə edib.

Dövlət başçısının imzaladığı fərmana əsasən, “Azərbaycan Yerüstü Nəqliyyat Agentliyinin Nizamnaməsi”nə dəyişiklik edilib. Dəyişikliyə görə, Agentlik Bakı şəhərinin inzibati ərazisində və Naxçıvan Muxtar Respublikasında nəqliyyat qovşaqlarının (nəqliyyat mübadilə mərkəzlərinin) və yeni avtomobil duracaqlarının (qarajlarının) yaradılması, layihələndirilməsi və tikintisi ilə bağlı tədbirlər görəcək, həmçinin onların mövcud vəziyyətinə nəzarəti həyata keçirəcək.

Fərmana uyğun olaraq, Nazirlər Kabineti və Rəqəmsal İnkişaf və Nəqliyyat Nazirliyi qarşıya qoyulan vəzifələrin icrasını təmin etməlidir.

30 Sentyabr 2025, 20:57 - 112