Prezident İlham Əliyev BP şirkətinin regional prezidentini “Şöhrət” ordeni ilə təltif edib

Azərbaycan Respublikasının Prezidenti İlham Əliyev sərəncam imzalayıb.

Sərəncama əsasən, Azərbaycan neft sənayesinin inkişafında xüsusi xidmətlərinə görə BP şirkətinin Azərbaycan, Gürcüstan və Türkiyə üzrə regional prezidenti Counz Robert Qəri “Şöhrət” ordeni ilə təltif olunub.

Xatırladaq ki, Azərbaycan ilə BP şirkəti arasında uzunmüddətli əməkdaşlıq enerji sahəsində mühüm nəticələrə gətirib çıxarıb. Əsrin müqaviləsindən başlayaraq həyata keçirilən layihələr ölkənin neft-qaz sənayesinin inkişafında, iqtisadi tərəqqisində və beynəlxalq əməkdaşlığının möhkəmlənməsində mühüm rol oynayıb.

18 Sentyabr 2025, 18:09 - 88