Polkovnik Anar İsmayılova general-mayor rütbəsi verildi

Prezident İlham Əliyev polkovnik Anar Müslüm oğlu İsmayılova “general-mayor” ali hərbi rütbəsi verilməsi barədə Sərəncam imzalayıb.

Anar İsmayılov Xüsusi Rabitə və İnformasiya Təhlükəsizliyi Dövlət Xidmətinin əməkdaşıdır. 52 yaşlı zabit 44 günlük Vətən müharibəsi zamanı rabitə əlaqələrinin təmin edilməsində göstərdiyi xüsusi xidmətlərlə seçilib.

Müharibədən sonra Prezidentin Sərəncamı ilə “Vətənə xidmətə görə” ordeni ilə təltif olunan Anar İsmayılov hazırda Xidmətin Baş idarə rəisi vəzifəsində çalışır.

30 Sentyabr 2025, 21:10 - 111