Suriyadan qaytarılan 6 Azərbaycan vətəndaşına sosial-psixoloji dəstək göstərilir

Azərbaycan Hökuməti tərəfindən Suriyadan ölkəmizə repatriasiya olunmuş daha 6 nəfər vətəndaş Əmək və Əhalinin Sosial Müdafiəsi Nazirliyinin tabeliyindəki Sosial Xidmətlər Agentliyinin sosial xidmət müəssisəsinə yerləşdirilib. Bu barədə saytımıza qurumun mətbuat xidmətindən məlumat verilib.

Repatriasiya onunanların 4-ü uşaq, 2-si isə qadındır.

Hazırda repatriasiya olunmuş şəxslərlə Sosial Xidmətlər Agentliyinin müvafiq müəssisəsində qiymətləndirmə işləri aparılır, onlara ilkin tibbi, sosial və psixoloji dəstək göstərilir.

Növbəti mərhələdə həmin şəxslərin sosial-psixoloji vəziyyəti Agentliyin sosial işçiləri və psixoloqları tərəfindən daha ətraflı qiymətləndiriləcək.

23 Oktyabr 2025, 18:55 - 59