Peşə təhsilində növbəti uğurlu addım: Yumurtalı xörəklərin hazırlanma texnologiyası

İsmayıllı Dövlət Peşə Təhsil Mərkəzində gənc aşpazların praktik bacarıqlarının artırılması məqsədilə növbəti istehsalat təlimi təşkil olunub.
Mərkəzin “Aşpaz” ixtisası üzrə 2 illik I kurs qrupunun 12 nəfər tələbəsinin iştirakı ilə keçirilən açıq dərs “Yumurtalı xörəklərin hazırlanmasında istifadə olunan inqrediyentlər və onların rolu” mövzusuna həsr edilib. İstehsalat təlim ustası Aytən Alızadənin rəhbərliyi ilə keçən dərsin əsas məqsədi tələbələrə bu növ xörəklərin hazırlanma texnologiyasını aşılamaq və düzgün inqrediyent seçimi vərdişlərini formalaşdırmaq olub.
Təlim prosesi zamanı aşağıdakı istiqamətlər üzrə praktiki məşğələlər aparılıb:
Yumurtalı xörəklərin hazırlanma mərhələlərinin nəzəri və praktiki izahı;
Məhsulların keyfiyyət meyarları və onların düzgün tətbiqi;
Tələbələrin komanda şəklində işləmək və təqdimat bacarıqlarının nümayişi.
Dərs zamanı tələbələr öyrəndikləri bilikləri real mətbəx şəraitində tətbiq edərək fərqli təqdimatlar hazırlayıblar.
Tədris şöbəsinin müvafiq komissiyası tərəfindən yaxından izlənilən açıq dərs yüksək maraqla qarşılanıb. Sonda komissiya üzvləri və tələbələr arasında mövzu ətrafında fikir mübadiləsi aparılıb, gənc mütəxəssislərə müvafiq tövsiyələr verilib.