Aydın Tağıyev AKİAB tərəfindən “Fəxri üzv” seçilib

Aydın Tağıyev Azərbaycan Korporativ İdarəetmə Assosiasiyası (AKİAB) tərəfindən “Fəxri üzv” seçilib.

AKİAB Azərbaycanda korporativ idarəetmə mədəniyyətinin inkişafına mühüm töhfə verən aparıcı platformalardan biri kimi tanınır. 400-ə yaxın tərəfdaşı birləşdirən Assosiasiya təlimlər, işgüzar görüşlər, diskussiyalar və maarifləndirici layihələr vasitəsilə biznes mühitində şəffaflıq, hesabatlılıq və peşəkar idarəetmə prinsiplərinin tətbiqinə dəstək göstərir.

Qurumun həyata keçirdiyi təşəbbüslər innovativ idarəetmə metodlarının yayılmasına, sahibkarlar arasında əməkdaşlığın gücləndirilməsinə və iş dünyasında etibarlı tərəfdaşlıq mühitinin formalaşmasına xidmət edir.

Aydın Tağıyevin “Fəxri üzv” seçilməsi onun korporativ idarəetmə sahəsində fəaliyyətinə və bu istiqamətdə verdiyi töhfələrə verilən yüksək qiymət kimi dəyərləndirilir.

16 Fevral 2026, 23:44 - 39